goldwater

聽聞最早期發明期貨目的係農產品對沖，慢慢發展至今日各色其色賭搏工具，對沖只係莊家同當地政府將賭搏遊戲合法化嘅籍口，大家可以睇係呢個港股賭塲係幾咁熱鬧，每日衍生工具成交都超過二百億；

以前都用過期權去保護期指，即是揸一張期指，就加一張long put 做保護，以為好醒目啦，後來發覺原來做老襯就真，唔知呢度有冇人做緊老襯呢？

CB900

按金平好多的，如果近月尾做protection ok ka，月頭梗係唔好啦

goldwater

好多人都以為行得通，相信有好多人會用呢個期權對冲期指嘫做法，但如果我呢果期權研究生話比你知，只要一張long call 就可以取代呢個組合，會唔會明白自己做咗老襯昵？

而所謂資深對沖經理嘅對冲辦法行得通的話，我呢個研究生即刻變身為期權博士，用我套辦法係將正股(期指）直接平倉，慳番兩邊期權嘅洗費，仲可以避免期權到期後嘅風險，千其唔好做期權白痴呀！

[ 本帖最後由 goldwater 於 2015-2-9 23:10 編輯 ]

goldwater

仲有一個老襯策略非常多人做嘅，亦見坊間好多專家教嘅收息策略，就係揸期指+SC或沽期指+SP，究竟點解係老襯？

goldwater

期權市塲，講真句喺呢度十個佔咗八個都係賭徒，長倉嘅吸引力在於小搏大，小搏大大大，呢個只係在莊家比大家嘅夢想，當瞓醒之後事實係兩回事，因為好似六合彩咁，一定有人中，唔會個個中，所以期權可以賺錢嘅人只有做short，就如MT SIR所教嘅雙飛蝴蝶倉，就係最有把握嘅辦法穩賺，值得深入研究。

goldwater

好多人問做咗long 中咗方向幾時食糊，只要牛反覆一兩日，分分鐘賺到都嘔突，如果早離場，最大果份又有機會走雞，總之long 咁耐担心咁耐！

goldwater

原來唔關教期權嘅人事，港交所網頁都有教人開呢啲老襯策略，又係無能政府出錯？發現又多一個老襯策略，SC+LP 或SP+LC

goldwater

自從認識期權以來，會去研究各種策略，亦會去研究人哋教學，原來市場上所謂嘅專家，教師大多數都係揾笨，完全唔明白期權嘅操作：如果你係以期權長倉為賺錢目標，只要長期維持在打和點，技術已經勝過所有大戶莊家啦！所以明白MT SIR 發明嘅雙飛蝴蝶，真係可以做到長賺長有，真真正正做到好嘅技術配合好嘅策略！

goldwater

2月期結真係稍高於24800，大戶又再將2100萬袋袋平安，呢條數邊個比？當然係你我呢類老散啦！不過呢條數唔關我事，仲响入面向大戶抽在小部份水，哈哈！

sinding

彼此！彼此！
我都唔執输，抽番啲！