蟹貨
從圖上發現2010年至2011年上出現的三頂派貨區，市場普片認為大量蟹貨在此區域形成，
望有朝一日能夠鬆綁，因此相信越接近此區內，沽壓會越大；
但小弟個人有個壞主意，就是班蟹一早就走清光，淨番低嘅就是班有實力的投資人士，
就如女股神央姐類，大家不防問問佢幾時會出貨，佢三萬唔出，跌到一萬唔比人出，上番二萬五唔會出，
實在夠硬淨；
現時要查出班蟹貨的逃生路線，就知到要走的蟹一早走清，第一批早走的蟹在2011年8月期間，大市16000至18000位置，記得當時不但走蟹，就算無蟹在手，都借貸沽突，所以於23000~25000要走的蟹一早已走清了，
而今年2月後的只是震倉，因為由16000一路向上的是候，亦由一班走了蟹的蟹民補回貨源，最後蟹是自己買給人家吃！
因為第一次走蟹加第二次震倉，市場上散戶持貨極低，就是如此相信25000之下沽壓不大。（純段估）
最重要的是各大報章，從未有人提出圖表上，出現雙底形態及已突破頸線，以右腳的量度，足以突破所謂的的蟹貨區頂部；
從兩項推測，相信在23000~25000區域，會反覆後急升一段，重複又重複，直至逃出生天，
大家當笑話聽完就算，是否蟹民大家心中有數！
